Xitayning intérnét xewerlirini kontrol qilish tedbiri amérikining tenqidige uchridi


2005.09.27

Xitay hökümiti intérnét uchurlirini kontrol qilishni kücheytishni meqset qilghan yéngi belgilime élan qilghandin kéyin, amérika tashqi ishlar ministirliki bayanat élan qilip, amérika xewer erkinliki we söz erkinlikini kontrol qilishqa qaritilghan herqandaq urunushqa jiddi diqqet qilidu, dep körsetti.

Xitay metbu'atlirining xewer qilishiche, xitay dölet kabintining axbarat idarisi chiqarghan yéngi belgilimide xewer ponkitliri, intérnét we qol téléfonida uchur yollighuchilar, "saghlam bolmighan xewerler" ni yollisa, éghir jazalinidighanliqini agahlandurghan.

Amérika tashqi ishlar ministirliqining düshenbe künki axbarat élan qilish yighinida, tashqi ishlar ministirliki bayanatchisi mékkormak muxbirning bu heqtiki bir so'aligha jawab bérip, "uchur we söz erkinliki her qandaq jem'iyet üchün intayin muhim, amérika buni hemmibap ölchem, dep qaraydu we bu hoquqni barche awazi bilen qollaydu," dédi.

Mékkormakning tekitlishiche, amérika uchur we söz erkinlikini chekleshke qaritilghan her qandaq urunushqa jiddi türde diqqet qilidiken.

Emma xitay hökümiti seyshenbe küni élan qilghan bayanatida amérikining tenqidini ret qildi. Xitay tashqi ishlar ministirlikining bayanatchisi chin gang, "her bir döletning axbarat organliri shu döletning qanun- belgilimilirini astida heriket qilidu," dep tekitligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.