Amérika dölet mejlisi xitay bilen soda qilidighan intérnét shirketlirige chek qoymaqchi


2006.02.13
Share on WhatsApp
Share on WhatsApp

Sözlesh erkinliki üchün küresh qiliwatqan guruppilar Google qatarliq intérnét shirketlirini xitay hökümitining bezi melumatlarni cheklesh teleplirige boyun egdi dep eyiblimekte.

Xewerlerge qarighanda, amérika dölet mejliside intérnét shirketlirining xitay hökümitining teleplirini qobul qilghan shert astida xitay bazirigha kirishining aldini élish üchün jiddiy pa'aliyet élip bérilmaqta.

Köpchilikke melum bolghandek, ötken yili amérika dölet mejlisi amérika néfit we kompyutér shirketlirining xitay hökümiti bilen soda mu'amilisi toghrisida tekshürüsh élip bérip, ularning xitay bilen soda mu'amilisini suslashturghan idi.

Amérikida chiqidighan USA Today gézitining 13 ‏- féwral küni bergen xewiride, amérika dölet mejlisi ezasi jumhuriyetchi kiris simit, Google, Yahoo we Microsoft qatarliq chong intérnét shirketlirining xitay we bashqa kishilik hoquqni depsende qiliwatqan döletlerge kirishini chekleydighan bir qanun layihisi teyyarlawatqanliqini bildürdi.

Gézitining xewiride éytilishiche, téxi yézilip bolmighan kiris simitning qanun layihisi alliqachan jumhuriyetchi dana rorabaxer qatarliq amérika dölet mejlisi azalirining qollishigha érishken.

Kris simit, bu mesile toghrisida aldimizdiki charshenbe küni Google, Yahoo we Microsoft we ,Cisco qatarliq é'intirnét shirketlirining qatnishishi bilen amérika dölet mejliside bir guwahliqtin ötüsh yéghini ötküzidiken. Mezkur intérnét shirketliri, xitay bilen soda qilish, bu dölette kishilik hoquq weziyitining yaxshilinishi üchün paydiliq déyishmekte. Emma kiris simit amérika shirketliri bilen xitay otturisidiki soda munasiwetliri tereqqi qilghanséri xitaydiki kishilik hoquq weziyitining téximu nacharlishiwatqanliqini bildürmekte. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.