Xitayning metbu'atqa bolghan kontrolluqi barghanséri köp tenqidke uchrimaqta

• 
  2006-02-15

Xitay hökümitining metbu'atqa bolghan kontrolluqi barghanséri her qaysi tereplerning köp tereplimilik eyiblishige uchrimaqta. Buning qatarida amérika dölet mejlisi awam palatasigha qarashliq xelq'ara munasiwetler komitétining dunyadiki kishilik hoquq, afriqa we xelq'ara meshghulat ishliri guruppisi 15‏- féwral küni mexsus guwahliq bérish yighini ötküzüp, xitayning metbu'atqa bolghan kontrolluqi we amérika shirketlirining buningdiki roli mesililiride toxtaldi.

Mezkur guwahliq bérish yighinini amérika awam palata ezasi kristofér smis közdin kechürdi. Shundaqla yighinda, xitaygha oxshash döletlerde söz erkinliki we siyasiy köz qarshini ipadilesh erkinlikining éshishigha türtke bolidu dep qarilidighan intérnétning nöwette xitay hökümiti teripidin türlük usullar bilen qattiq kontrol qiliniwatqanliqi otturigha qoyulghan.

Emma xitay hökümiti charshenbe küni özini bu heqte aqlap, xitayning intérnétni bashqurush belgilimilirining xelq'ara ölchemge mas kélidighanliqini, shundaqla amérikining bu heqtiki eyibleshlirining adil bolmighanliqini bildürdi.

Bu arida amérika tashqi ishlar ministiri charshenbe küni, xitay we iran'gha oxshash bir qisim döletlerning intérnétni kontrol qilish heriketlirige qarshi turush üchün emeliy chare qollinidighanliqini bildürdi. (Peride)