Google Xitayda ruxsetsiz meshghulat élip barghanliqini ret qildi

Xitay da'irilirining tor ponkitida siyasiy sezgürlüki küchlük mesililerni cheklesh toghrisidiki bésimigha téz püküp, amérika dölet mejlisining tenqidige uchrighan Google intérnét shirkiti,xitayda ICP guwanamisi almay turup mulazimet élip bérish bilen eyiblendi. Emma Google shirkiti xitayda ruxsetsiz mulazimet élip barghanliqini ret qilghan.

Béyjingda chiqidighan " shinjing géziti" ning seyshenbe küni xewer qilishiche, Google ning junggo tor ponkiti xitayda tor mulazimiti bilen shughullan'ghuchilar élishqa tégishlik bolghan intérnét mulazimiti bilen teminligüchiler ruxsetnamisi ICP guwanamisini almighan.

Xitaydin bashqa döletlerde tor betlirining ICP guwanamisi élish qa'idisi bolmisimu, biraq xitay uchur igiliki ministirliqining belgilimisi boyiche xitayda meshghulat élip baridighan tor ponkitliri choqum ICP élish kérek. " Shinjing géziti" ning eskertishiche, bu ehwal xitay uchur igiliki ministirliqining diqqitini qozghighan we bu mesilini tekshürüshke bashlighan.

Junggo soda waqti géziti, "junggoning intérnét siyasiti boyiche Google ning herikiti pütünley qanunsizliq" dep yazdi. Emma Google shirkitining bayanatchisi" shinjing géziti" ning xewirini asassiz, dep körsetmekte. U bayanatida Google ning junggodiki mulazimiti tégishlik guwanamilar boyiche élip bérilmaqta " deydu.

Roytérs axbarat agéntliqining xewer qilishiche, Google ponkitining xitayda tarqitilidighan Ganji.com Namliq tor béti bilen shérikchiliki bolup, ular oxshash bir ICP guwanamisi qollan'ghan. Google Ning bayanatchisi, mezkur tor ponkitining xitayda qanunluq guwanamisi bar, dep körsetti. Emma junggo uchur igiliki ministirliqidiki emeldarlar, bu mesile üstidin tekshürüsh élip baridighanliqini bildürgen. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar