Kishilik hoquq teshkilatliri intérnét erkinlikini qoghdash layihisini qollidi


2006.07.19
Share on WhatsApp
Share on WhatsApp

Xelq'aradiki 14 chong kishilik hoquq teshkilati seyshenbe küni birleshme bayanat élan qilip, amérika dölet mejlisi ezasi kristofér smisning dölet mejlisining maqullishigha sun'ghan " dunya intérnét erkinliki layihisi" ni qollaydighanliqini jakarlidi.

Bu birleshme bayanat, chégrasiz muxbirlar teshkilati, xelq'ara kechürüm teshkilati, amérika qelemkeshler jem'iyiti, xitay uchur merkizi we diniy erkinlik birleshmisi qatarliq 14 xelq'araliq kishilik hoquq teshkilatliri teripidin élan qilin'ghan. Dölet mejlisining maqullishigha sunulghan bu layihide, amérikidiki makrosoft, yaxu we gugulgha oxshash dangliq intérnét shirketlirining xitay bashchilighidiki bir qisim hökümetlerning söz erkinlikini boghishigha yardemlishishni cheklesh telep qilin'ghan.

Bu layihide yene, amérikidiki intérnét shirketlirining xitay hökümitige torgha chiqquchilarning salahiyitige a'it uchurni teminligen her qétimlighida, ulargha 2 milyon amérika dolliri jerimane qoyush belgilen'gen. Bu layihige guman bilen qaraydighan bir qisim dölet mejlisi ezaliri gerche, xitaygha oxshash döletlerning intérnét kontrolliqidin endishe qilsimu, lékin qanun bilen amérika shirketlirini bundaq jazalashning heqiqeten ünüm hasil qilalishigha guman bilen qarimaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.