Kishilik hoquq birinchi ittipaqi xitayning intérnétni cheklesh heriketlirini eyiblidi
2007.12.11
Kaliforniyidiki bir kishilik hoquq teshkilati amérika hökümitini xitayning intérnétqa bolghan cheklesh heriketlirini emeldin qaldurush toghrisida xitaygha bésim ishlitip xitayda intérnét arqiliq soda qilishni oylawatqan amérika shirketlirige qoyulghan cheklimini élip tashlashqa qistidi.
Düshenbe küni kaliforniyidiki san rafaél kishilik hoquq birinchi ittipaqi, amérika qoshma shtatliri soda wekilining ishxanisida doklat bérip, xitayning intérnétqa qarita yürgüzüwatqan nomussiz we qattiq tosush qilmishining dunya soda teshkilatining kélishimige éghir xilap ikenlikini körsetti.
Mezkur kishilik hoquq teshkilati, amérika qoshma shtatliri soda wekilidin, xitayni 2001 - dunya soda teshkilatigha eza bolup kirgende hasil qilghan dunya soda teshkilatining barliq ezaliri choqum emel qilishqa tégishlik mejburiyetlirini ada qilmidi dep eyiblep dunya soda teshkilatigha erz sunushni telep qildi.
Birleshme agéntliqida körsitilishiche, kishilik hoquq birinchi ittipaqining wakaletchisi dunya soda teshkilati ezalirigha “bazargha kirish hoquqi” bérilgenlikini, emma nurghunlighan éléktronluq mehsulatlirini satidighan amérika shirketlirining tor betlirining xitay hökümitining cheklesh qilmishliri tüpeyli xitayda toluq ishlimeydighanliqini bildürdi.
U mundaq dédi: " xitayning intérnétqa qarita élip barghan cheklesh herikiti, söz- pikir erkinliki we kishilik erkinlik mesilisila bolup qalmastin, belki amérika - xitay arisidiki éléktron mehsulatliri sodisidiki bir ashkara tosuq bolup, bu bir soda mesilisidur."
Xitay hökümiti dölet ichide öz aldigha intérnétni teqipleydighan yumshaq détallarni ishlep chiqip chet'eldin tarqitidighan nurghun tor betler ustidin qara tizimlik turghuzup, xitay ichidiki puqralirining kirishni cheklep kéliwatqan bolup, bu dunyaning her qaysi jayliridiki kishilik hoquq teshkilatining yéqindin diqqet - étibarini qozghap kéliwatqan mesililerning biri idi. (Jüme)
Munasiwetlik maqalilar
- Dunya kishilik hoquq küni b d t kishilik hoquq aliy kéngishining bash komissari bayanat élan qildi
- Axbarat erkinlik teshkilati xitaygha kirgüzülmidi
- Xitayning olimpik harpisidimu kishilik hoquqni dawamliq depsende qiliwatqanliqi ashkarilanmaqta
- Xelq'ara muxbirlar teshkilati olimpik komitétini xitay mesiliside eyiblidi
- Amérika intérnét bixeterlik shirkiti xitayni intérnét jasusluqi bilen eyiplidi
- Ottura sherq tinchliq söhbiti bashlandi
- Xelqara olimpik komitéti emeldarliri xitay kishilik hoquq bayanati heqqide munazirileshmekte
- Kishilik hoquqni közitish teshkilati tibet we Uyghur élige qaritilghan axbarat cheklimisini tenqid qildi
- Chégrisiz muxbirlar teshkilati sarkozidin xitay ziyaritide kishilik hoquqni otturigha qoyushni telep qildi
- Xitay " junggoning siyasiy partiye tüzümi" namliq aq tashliq kitabini élan qildi