Америка малийә министири хитайни пул ислаһати елип беришқа үндиди


2004-10-03
Share

Америка малийә министири җон снов, хитай һөкүмитини пул муамилә вә пул қурулма ислаһати елип беришқа үндиди.Америка малийә министири, хитай иқтисадиниң муқим тәрәққияти йәр шари иқтисади тәрәққиятида муһим рол ойнайду дәп көрсәткән. Бирақ у, пул қиммитииниң базар баһаси тәрипидин бәлгилиниши керәкликини әскәртип, буниң иқтисади тәрәққиятни илгири сүрүштиики муһим амил һисаплинидиғанлиқини илгири сүргән. Җон снов, америка хитайниң һазирқи пул түзүмидин нарази болсиму, бирақ бу саһәдики бәзи әмили илгирләшләргә диққәт қиливатқанлиқини тәкитлигән. Хитай малийә министири җин ренчиң билән хитай мәркизи банкисиниң мудири йеқинда вашингтонда санаәтләшкән 7 дөләт гуруһиниң малийә вә мәркизи банка мәсуллири билән сөһбәт елип барған.

Йиғинда 7 дөләт гуруһиниң малийә министирлири, хитай хәлқ пулиниң доллар билән болған һазирқи алмаштуруш қиммитидин назар болған. Хитайда бир долларниң хәлқ пулиға айривашлиған чағдики қиммити 8 сом 20 тийин билән 8 сом 40 тийин арлиқта өзгүрүп туриду. Америка қатарлиқ дөләтләр хәлқ пулниң базардики қиммити дөләт тәрипидин контрол қилиниватқанлиқини илгири сүрмәктә. Америниң хитай билән болған содидики пассип баланисиниң йилму - йил ешип бериватқанлиқи америкилиқ карханичиларни шундақла диһқанчилиқ перма игилирини нарази қилған. Улар, бу әһвал хәлқ пулининиң базардики қиммити һәддидин зиядә төвән һисапланғанлиқтин келип чиқиватиду дәп қаримақта. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт