Amérika hindistan bilen iqtisadi we diplomatiye alaqisini kéngeytishni ümid qildi

Amérika prézidént jorji bush, düshenbe küni aq sarayda hindistan bash ministiri manmoxan singni kütüwélip, térorizimgha qarshi turush, énérgiye we iqtisadi alaqini kücheytish qatarliq mesililer boyiche söhbet élip bardi. Prézidént bush, amérikining hindistan bilen iqtisadi we diplomatik alaqisini kücheytish arzusi barliqini bildürgen.

Roytérs axbarat agéntliqining xewer qilishiche, prézidént bush hindistan bash ministirini kütüwélish murasimida, amérika bilen hindistan munasiwitining burulush yasighanliqini eskertip, " hindistan qed kötürüwatqan iqtisadi chong dölet," dep jakarlighan.

Prézidént bush, amérika dunya boyiche nopusi eng köp démokratik dölet hindistan bilen munaswitini özgertishni jiddi ümid qilidu, dep körsetti. Hindistan bash ministiri manmoxan sing, hindistan bilen amérika zor hemkarliq yoshurun küchige ige, dep körsetti.

Roytérs axbarat agéntliqining ilgiri sürüshiche, hindistannning gülliniwatqan pen - téxnika tereqqiyati, künséri küchiyiwatqan herbiy, iqtisadi we bazar igiliki, asiyada xitayni cheklesh iqtidarigha ige istratégiyilik küch bolup, amérikining étibarini qozghimaqtiken. (Erkin)