Iran yadro mesiliside xitayning qollishigha érishti


2004-11-07
Share

Iranni ziyaret qilghan xitay tashqi ishlar ministiri li jawshing shenbe küni, xitay hökümiti amérikining iran yadro mesilisini b d t xewpsizlik kéngishide muzakire qilish teklipige qarshi turidu didi. Li jawshing iran yadro mesilisini xewpsizlik kéngishige élip bérish mesilini murekkepleshütüriwétidu, dep körsetti. U, iranning yadro qorallar pilani keltürüp chiqarghan ixtilapni xelq'ara atom énérgiye orginining ramkisi da'iriside hel qilish kéreklikini ilgiri sürdi. Li jawshingning irandiki ikki künlik ziyariti shenbe küni bashlan'ghan. Li jawshing téhrandiki ziyariti jeryanida iran prézidénti hatemi, iran tashqi ishlar ministiri kamal xarazilar bilen söhbet élip barghan.

U, iran bilen xitay tereqqiy qiliwatqan döletler, siyasi jehette bir birini hörmet qilish, iqtisadi jehette bir birini toluqlash küchi zor, dep tekitligen. Iran b d t kishilik hoquq komitétining jenwediki yilliq yighinida her yili xitayni qollap, amérikining xitay kishilik hoquq xatirisini tenqit qilish layihisige qarshi awaz bériwatidu. Li jawshing iranni ziyaret qilishtin bir hepte ilgiri iran tashqi ilar ministiri kamal xarezi béyjingni ziyaret qilghanda, iran bilen xitay nechche milyard dollarliq néfit hemkarliq kélishimi tüzgen. Bu arida iran metbu'atlirining xewer qilishiche, iran bilen yawropa ittipaqi yekshenbe küni parizda iran yadro mesilisi boyiche deslepki kélishim hasil qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet