Iran, b d t bixeterlik kéngishidin özini qachurushta xitayning yardimige érishkenlikini éytti


2004-11-24
Share

Iran hökümitining bir neper emeldari charshenbe küni béyjingni ziyaret qiliwatqan mezgilide, amérika otturigha qoyghan iranning yadro programmisi mesilisini birleshken döletler teshkilatining bixeterlik kéngishide bir terep qilish tekliwige iran hökümiti qarshiliq bildürgende xitay hökümitining chong yardimige érishkenlikini bildürdi.

Amérika birleshme axbarat agéntliqining xewirige qarighanda, iranning xelq'ara atom énérgiye teshkilatidiki wekili siyit huseyin musawi'an sözide, xitay tashqi ishlar ministiri emeldarlirining uninggha béyjing hökümitining iran yadro mesilisini b d t bixeterlik kéngishi emes, belki xelq'ara atom énérgiye teshkilati ichide bir terep qilishni xalaydighanliqini éytqanliqini bildürgen.

Amérika hökümiti iranning mexpiy halda yadro programmisini élip bériwatqanliqigha ishinidighan bolup, hetta bu mesilini b d t bixeterlik teshkilatida hel qilish tekliwini sun'ghan idi. Emma bu iran wekili éytqandek iran we xitay hökümitining qarshiliqigha uchrighan.

Iran wekili musawi'an yene, amérikining yadro programmisi toghrisidiki qarashlirini ret qilip, iranning héchqachan yadro qorallarni tereqqiy qildurush pa'aliyiti bilen shoghullanmighanliqini bildürdi. Amérika hökümiti buningdin ilgiri yene, bezi xitay shirketlirining iran'gha yadro qorallirini yasash téxnikilirini sétip bergenlikini eyipligen idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet