Xitay iranning yadro mesilisini xewpsizlik kéngishide muzakire qilishqa qarshi chiqti

2004-11-26
Élxet
Pikir
Share
Print

Xitay hökümiti iranning yadro qorallar mesilisini b d t ning xewpsizlik kéngishide muzakire qilishqa qoshulmaydighanliqini bildürdi. Xitay tashqi ishlar ministirliqining bayanatchisi jang chiyö, aldinqi küni tashqi ishlar ministirliqining axbarat élan qilish yighinida, iranning yadro mesilisi xelq'ara atom énirgiyisi orginining ramkisi ichide hel qilinishi kérek, dep körsetken. Shundaqla u yene xitay, iran bilen atom énérgiye orginini omumi yüzlük hemkarlishishqa righbetlendüridu, dep tekitligen.

Jang chiyöning ashkarilishiche, nöwette béyjingni ziyaret qiliwatqan iranning yadro mesililer boyiche alahide elchisi, xitay da'irilirige iranning yawropa ittipaqi bilen imzalighan munasiwtelik kélishimi heqqide melumat bergen, shundaqla ikki terep öz ara pikir almashturghan.

Iran xitaygha néfit - énérgiye éksport qilidighan asasliq döletlerning biri. Shundaqla xitay iranni nazuk texnikilik herbiy qorallar bilen teminleydighan dölet. Yéqinda xitay bilen iran 20 milyard dollarliq néfit- énérgiye hemkarliq kélishimi imzalighan. Amérika iran'gha nazuk texnikilik herbiy eswablarni satqan bezi xitay shirketlirige imbargo qoyghan idi. (Erkin)

Pikirler (0)
Share
Toluq bet