Rayis, "iran'gha hujum qilish küntertiptiki pilanimizda yoq" didi


2005-02-04
Share

Amérika tashqi ishlar ministiri kondiliza rayis, "iran'gha hujum qilish küntertiptiki pilanimizda yoq, dep körsetti. U bu sözni jüme küni londonda en'giliye bash ministiri tonéy blayir bilen körüshkendin kéyin tekitlidi.

En'giliye, kondiliza rayisning amérika tashqi ishlar ministirliqini ötküziwalghandin kéyinki chet'elge qilghan tunji ziyaritining birinchi békiti. Rayis jüme küni londonda muxbirlarni kütüwélish yighinida eskertip, "iranning yadro qorallarni tereqqiy qildurush pilani rayondiki shundaqla dunyaning muqimliqigha buzghunchiliq qilmaqta," dep körsetti.

Rayis, iran'gha herbir hujum qozghash amérikining küntertipidiki pilanida yoqliqini tekitlidi. U, mesilisini hazirche diplomatik yollar arqiliq hel qilish mümkinchiliki barliqini bildürdi. Nöwette en'gliye, gérmaniye, fransiye qatarliq döletler iran mesilisini diplomatik yollar arqiliq qilishni teshebbus qilmaqta. Prézidént bush aldinqi küni dölet mejlisidiki nutuqida iranni yuqiri mesililer boyiche agahlandurghan. Ular yene xitaygha qaritilghan imbargosini muzakire qilghan.

En'giliye, gérmaniye, fransiye qatarliq döletler, xitaygha qaritilghan qoral - yaraq imbargosini bikar qilish terepdari, biraq rayis, imbargoni bikar qilishning rayonda herbiy we téxnika jehettiki tengpungluqni buzushidin ensireydighanliqini tekitlidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet