Иран президенти ғәрб әркинликини тәнқид қилди

Иранниң йеңидин сайланған президенти махмуд әхмәдиниҗад ғәрб вә униң әркинлик идийисини тәнқид қилди.

Америка авази радиосиниң хәвиригә қариғанда, махмуд әхмәдиниҗад йәкшәнбә күнидики парламент йиғинида нутуқ сөзләп, бәзи ғәрб дөләтлириниң иран билән болған иқтисадий мунасивәтләрдин мәнпәәт еливатқан болсиму, лекин уларниң иранниң ички ишлириға арилашқанлиқи, буниң толиму адаләтсизлик икәнликини көрситип, өз наразилиқини ипадә қилған.

Тәһлилчиләр униң көздә тутуватқан ғәрб дөләтлириниң франсийә, әнгилийә һәм германийә икәнликини көрсәтмәктә. Махмуд әхмәдиниҗад өз һөкүмитиниң ғәрб дөләтлириниң иранға қаратқан бу хил адаләтсизлики вә зулумини қобул қилмайдиғанлиқини тәкитлигән.

Махмуд әхмәдиниҗадниң иран ислам җумһурийитиниң президенти болғанлиқиға анчә узун болмиди. Ғәрб көзәткүчилири униң әнәничилик еқимиға мәнсуп, ислаһатқа қарши шуниңдәк қаттиқ позитсийидики президент икәнликини көситишип, иранниң ғәрб билән болған мунасивәтлирини җиддийләштүриветишини пәрәз қилмақта. (Үмидвар)