Iran prézidénti gherb erkinlikini tenqid qildi

Iranning yéngidin saylan'ghan prézidénti maxmud exmedinijad gherb we uning erkinlik idiyisini tenqid qildi.

Amérika awazi radi'osining xewirige qarighanda, maxmud exmedinijad yekshenbe künidiki parlamént yighinida nutuq sözlep, bezi gherb döletlirining iran bilen bolghan iqtisadiy munasiwetlerdin menpe'et éliwatqan bolsimu, lékin ularning iranning ichki ishlirigha arilashqanliqi, buning tolimu adaletsizlik ikenlikini körsitip, öz naraziliqini ipade qilghan.

Tehlilchiler uning közde tutuwatqan gherb döletlirining fransiye, en'giliye hem gérmaniye ikenlikini körsetmekte. Maxmud exmedinijad öz hökümitining gherb döletlirining iran'gha qaratqan bu xil adaletsizliki we zulumini qobul qilmaydighanliqini tekitligen.

Maxmud exmedinijadning iran islam jumhuriyitining prézidénti bolghanliqigha anche uzun bolmidi. Gherb közetküchiliri uning en'enichilik éqimigha mensup, islahatqa qarshi shuningdek qattiq pozitsiyidiki prézidént ikenlikini kösitiship, iranning gherb bilen bolghan munasiwetlirini jiddiyleshtüriwétishini perez qilmaqta. (Ümidwar)