Явропа иттипақи билән иран ядро мәсилисидә сөһбәтләшмәкчи

явропа иттипақиниң мәлум қилишичә, әнглийә, франсийә вә германийә иран ядро мәсилисидә мушу һәптә иран даирилири билән сөһбәтлишидикән.

явропа иттипақи баянатчисиниң билдүрүшичә, бу учришиш чаршәнбә күни венада ечилидиған болуп, бу асаслиқи ядро мәсилисидики сөһбәткә йол ечиш мәқситидики дәсләпки сөһбәт һесаблинидикән.

явропа дөләтлири иран һөкүмитигә изчил бесим ишлитип, иранниң талаш-тартиштики ядро программисидин ваз кечишини тәләп қилип кәлди. Америка болса, иранни мәхпий һалда атом бомбисини тәрәққий қилдуриватқанлиқи билән әйибләйду. Әмма иран буни изчил рәт қилди.

Дүшәнбә күни америка президенти җорҗ в буш "һәммә ортақ етирап қилидуки, иран ядро қораллириға игә болмаслиқи керәк" дәп билдүрди. Буш сөзидә йәнә, иран рәһбәрлик қатлимиға болған деққитини әскәртип, иран президенти әхмәди ниҗатниң йеқинда қилған исраилийини бәрбат қилиш тоғрисидики сөзлирини әйиблиди. (Пәридә)