Иран парис тиллиқ дөләтләрниң һәмкарлиқини қуриду


2006.01.08

Қирғизистанниң "қабар" агентлиқиниң учуридин мәлум болушичә, иран ислам җумһурийити өзи билән тили, дини вә етник тарихи охшаш болған таҗикистан, афғанистан җумһурийәтлири билән болған һәмкарлиқлирини техиму күчәйтишкә тиришмақта. Өткән чаршәнбә күни иран ислам җумһурийитиниң таҗикистандики әлчиси таҗикистан президенти имам әли рахманоп билән көрүшүп, униңға иран президенти махмуд әхмәдниҗадиниң имам әли рахманопниң иран, афғанистан вә таҗикистандин ибарәт үч парис тиллиқ дөләт башлиқлири йиғиниға қатнишиши шуниңдәк иранни зиярәт қилиши һәққидики тәклипнамисини тапшурған.

Хәвәрдә көрситилишичә, 17-январ күни мәзкур үч парс тиллиқ дөләт рәһбәрлириниң иккинчи қетимлиқ йиғини теһранда ечилиду. Имам әли рахманоп, махмуд әхмәтниҗадиниң тәклипини қобул қилидиғанлиқини шуниңдәк иран билән йеңи һәмкарлиқ келишимлирини түзидиғанлиқини билдүргән.

Имам әли рахманоп билән иран әлчисиниң сөһбитидә иранниң таҗикистандики аһалилар зич районда хәйрихаһлиқ ишлири елип бериши, йол ясаш, електир истансилирини қуруш шуниңдәк сода һәмкарлиқлирини кеңәйтиш мәсилилиридә пикир бирлики һасил қилған. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.