Iran paris tilliq döletlerning hemkarliqini quridu

Qirghizistanning "qabar" agéntliqining uchuridin melum bolushiche, iran islam jumhuriyiti özi bilen tili, dini we étnik tarixi oxshash bolghan tajikistan, afghanistan jumhuriyetliri bilen bolghan hemkarliqlirini téximu kücheytishke tirishmaqta. Ötken charshenbe küni iran islam jumhuriyitining tajikistandiki elchisi tajikistan prézidénti imam eli raxmanop bilen körüshüp, uninggha iran prézidénti maxmud exmednijadining imam eli raxmanopning iran, afghanistan we tajikistandin ibaret üch paris tilliq dölet bashliqliri yighinigha qatnishishi shuningdek iranni ziyaret qilishi heqqidiki teklipnamisini tapshurghan.

Xewerde körsitilishiche, 17-yanwar küni mezkur üch pars tilliq dölet rehberlirining ikkinchi qétimliq yighini téhranda échilidu. Imam eli raxmanop, maxmud exmetnijadining teklipini qobul qilidighanliqini shuningdek iran bilen yéngi hemkarliq kélishimlirini tüzidighanliqini bildürgen.

Imam eli raxmanop bilen iran elchisining söhbitide iranning tajikistandiki ahalilar zich rayonda xeyrixahliq ishliri élip bérishi, yol yasash, éléktir istansilirini qurush shuningdek soda hemkarliqlirini kéngeytish mesililiride pikir birliki hasil qilghan. (Ümidwar)