ئامېرىكا، ئەنگلىيە ۋە فرانسىيە ئىراننىڭ سۆھبەت تەكلىپىنى رەت قىلدى


2006.01.18
Share on WhatsApp
Share on WhatsApp

ئامېرىكا، ئەنگلىيە ۋە فرانسىيە ئىراننىڭ ياۋروپا ئىتتىپاقى بىلەن بولغان يادرو مەسىلىسىدىكى سۆھبەتنى ئەسلىگە كەلتۈرۈش تەكلىپىنى رەت قىلدى. بۇنىڭ بىلەن ئىران يادرو مەسىلىسىنى بىرلەشكەن دۆلەتلەر تەشكىلاتىنىڭ بىخەتەرلىك كېڭىشىگە سۇنۇش تىرىشچانلىقلىرى تېخىمۇ كۈچەيمەكتە.

ئىراننىڭ بىر ئالىي ئەمەلدارى سەيشەنبە كۈنى ئەنگلىيە، فرانسىيە ۋە گېرمانىيە تاشقى ئىشلار مىنىستىرىغا خەت سۇنۇپ، سۆھبەتنى ئەسلىگە كەلتۈرۈش ئارزۇسىنى ئىپادىلىگەن ئىدى. لېكىن خەتتە، ئۇلارنىڭ ياۋروپا ئىتتىپاقى بىلەن بولغان يادرو پىلانىنى توڭلىتىش كېلىشىمىگە بويسۇنىدىغان ياكى سۇنمايدىغانلىقى تىلغا ئېلىنمىغان.

ئامېرىكىنىڭ خەلقئارا يادرو ئېنېرگىيە ئىدارىسىدىكى ۋەكىلى " ئىشىنىمىزكى خەلقئارا يادرو ئېنېرگىيە ئىدارىسى كېلەر ئايدا ئىراننىڭ يادرو مەسىلىسىنى ب د ت بىخەتەرلىك كېڭىشىگە سۇنىدۇ" دەپ بىلدۈردى. ئەمما ئىران تاشقى ئىشلار مىنىستىرى بۇ خىل ئېھتىماللىقنىڭ كىچىكلىكىنى ئەسكەرتتى.

ئىران دائىرىلىرى بۇ ئاينىڭ باشلىرى خەلقئارادىكى قارشىلىقلارغا قارىماستىن، 2 يىل داۋاملاشقان يادرو تەتقىقاتىنى توختىتىش ۋەزىيىتىگە خاتىمە بېرىپ، يادرو تەتقىقاتىنى ئەسلىگە كەلتۈرگەن ئىدى. شۇنداقلا تېھران دائىرىلىرى بۇ يادرو پىلانىنىڭ پەقەت تىنچ مەقسەتتە ئېلىپ بېرىلىدىغانلىقىنى تەكىتلەپ كەلدى. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.