Amérika hökümiti iran yadro mesilsini b d t bixeterlik kéngishige élip bérishni telep qildi


2006.01.19

Amérika hökümiti iran yadro mesilsini tizdin b d t bixeterlik kéngishige élip bérishni telep qildi. Rusiye bilen xitay bolsa, bu mesilige sewirchanliq bilen mu'amile qilinishi kéreklikini bayan qilmaqta.

Amérika tashqi ishlar minsitiri kondaliza rays 19‏- yanwar küni washn'gtonda muxbirlargha bergen bayanatida, iran mesilside bizning meydanimiz nahayiti ochuq.Bu mesilini b d t bixeterlik kéngishige élip bérish waqti ytip keldi, dédi.

Roétiris agéntliqining xewer qilishiche, kondaliza rays rusiyining teklipi toghrisida birnéme démigen. Yawrupa ittipaqi bir kün burun rusiyining iran mesilsini b d t bixeterlik kéngishige hawale qilish toghrisida bergen teklipni ret qilghan idi . Chünki rusiyning teklipi iran yadro mesilsini b d t bixeterlik kéngishige resmiy élip bérishni emes, iran mesilsi heqqide bixeterlik kéngishige melumat bérishnila meqset qilidiken .

Eger iran mesilsi b d t bixeterlik kéngishige resmiy élip bérilsa, bu iran'gha qarita imbargo yolgha qoyolidighanliqining bishariti bolidiken. Emma bixeterlik kéngishige mesile heqqide melumat bérish imbargo yolgha qoyush üchün yéterlik qanuniy wasitilargha ige bolalmaydiken. Xitay hökümiti bolsa, iran mesilsining diplomatiye yoli arqiliq birterep qilinishi kéreklikini tekrarlidi.

Xewerlerge qarighanda, iran bilen yéqin soda munasiwetlirige ige bolghan rusiye we xitay, iran'gha qarita yolgha qoyolidighan imbargoning ularning iqtisadiy menpe'etlirige ziyan yetküzüp qilishidin endishe qilidiken. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.