Иран русийиниң ядро мәсилисидики тәклипини қарши алди

Иран даирилири, русийниң ядро мәсилисидә оттуриға қойған тәклипигә қарита актип позитсийисини ипадилиди. Әнгилийә б б с радио - телевизийә ширкитиниң 25 ‏- январ күни бәргән хәвиригә қариғанда, росийидә сөһбәттә боливатқан иранниң юқири дәриҗилик һөкүмәт хадими али лариҗани, гәрчә ядро мәсилисидики бу сөһбәттә һечқандақ келишим түзүлмигән болсиму, лекин феврал ейида бу мәсилә үстидә йәниму илгирлигән һалда музакирә елип баридиғанлиқини билдүрди.

Бирақ али лариҗаниниң агаһландурушичә, әгәр келәр һәптә ечилидиған хәлқара атом ениргийиси йиғинида , иранниң ядро мәсилиси бирләшкән дөләтләр тәшкилати бихәтәрлик кеңишигә тапшурулса , у һалда иран чоқум техиму зор көләмдә ораниюм тавлаш хизмитини елип баридикән.

Бирләшкән дөләтләр тәшкилатиниң бихәтәрлик кеңишигә әза дөләтләр бу һәқтики мәйданини аллиқачан оттуриға қойған болуп, бу дөләтләр германийиниң қатнишиши билән 3 ‏- феврал күни лондонда иранға қандақ тәдбир қоллиниш мәсилиси үстидә мәхсус йиғин өткүзмәкчи.

Ғәрб дөләтлири, иранниң қайта ораниюм тавлаш һәрикитигә күчлүк наразилиқини билдүрмәктә. Әмма иран мәзкүр һәрикитини тинчлиқ үчүн елип бериватқан тәдбир дәп көрситип, ядро программисини давамлаштуридиғанлиқини билдүрмәктә. (Пәридә)