B d t xewpsizlik kéngishidiki döletler iran yadro krizisi mesiliside birlikke keldi


2006.01.31

Xitay, rusiye, en'giliye, gérmaniye, amérika we yawropa ittipaqi tashqiy ishlar ministirliri londonda iran yadro mesilisi boyiche söhbet élip bérip, iran yadro mesilisini b d t xewpsizlik kéngishining bir terep qilishigha tapshurush toghrisida pikir birlikige keldi. Biraq xewpsizlik kéngishi iran'gha heriket qollinishtin burun, xelq'ara atom énirgiye idarisi bu yil 3 - ayda xewpsizlik kéngishige tapshuridighan iran heqqidiki doklatini kütidu we kéyinki qedimini shuninggha köre basidu.

Birleshme axbarat agéntliqining xewer qilishiche, bu xewpiszlik kéngishidiki besh da'imiy ezaning tunji qétim iran yadro mesilisini xewpsizlik kéngishining bir terep qilishigha tapshurush toghrisida pikir birlikige kélishi bolup hésablinidiken. Buning aldida amérika, en'giliye we fransiye qatarliq döletler iran yadro mesilisini xewpsizlik kéngishide bir terep qilishni telep qilip kelgen. Emma rusiye bilen xitay bu mesilisini xewpsizlik kéngishige élip bérishini qollimighan idi.

Iran yadro mesilisini xewpsizlik kéngishide bir terep qilishqa qarshi turup, bundaq qilishning qanuni asasi yoq, dep qarimaqta. Iranning mu'awin prézidénti ghulamriza aghazade, " gherb bilen bolghan eng chong mesile ularning iranni xewpsizlik kéngishige yollashta héchqandaq bir qanuni asas körsitip bérelmigenlikte " deydu.

Xitay tashqiy ishlar ministiri li jawshing seyshenbe küni iran tashqiy ishlar ministiri muteqqi bilen körüshkendin kéyin, iranning yadro énirgiyisidin tinch meqsedler üchün paydilinish hoquqigha hörmet qilinishi kérek. Shuning bilen birge iranning üstige alghan mejburiyitini ada qilishigha toghra kélidu, dédi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.