Iran b d t xewpsizlik kéngishining bir terep qilishigha tapshurulidu


2006.02.02

Xelq'ara atom énirgiye idarisigha eza döletler, téhranning yadro qorallargha érishish mümkinchikliki tughdurghan endishiler boyiche, iran yadro mesilisini b d t xewpsizlik kéngishige tapshurush mesiliside pikir birlikige kélelmidi. Xelq'ara atom énirgiye idarisigha eza döletler peyshenbe küni awstiriye paytexti wi'annada yighin chaqirip, yawropa döletliri otturigha qoyghan iran yadro mesilisini xewpsizlik kéngishige tapshurush toghrisidiki teklip layihisini muzakire qildi.

Emma terepler mesilini jüme küni dawamliq muzakire qilishqa qoshulghan. Gérmaniye otturigha qoyghan teklip layihiside iranning yadro programmisi " pütünley tinchliq meqsedlerge qollinish üchünla emes" déyilgen. Atom énirgiye idarisi iran mesilisini xewpsizlik kéngishige sunushni qarar qilsa, iran'gha imbargo yürgüzülüshi mümkin. Emma iran öz pikiride ching turup, iranni xewpsizlik kéngishige tapshursa, dunya uningdin waz kéchishni telep qilghan uran tawlash we yadro qorallarni tereqqi qildurush yolida ilgirleydighanliqini agahlandurmaqta.

Iran prézidénti exmedinijad, " iran yadro mesiliside tehditlerdin qorqmaydu " dédi. Atom énirgiye idarisining bashliqi baradéy, iranni uran tawlashtin waz kéchishke chaqirghan. Rusiye bilen xitay iran yadro mesilisini xewpsizlik kéngishide muzakire qilishqa qoshulghandin kéyin, gérmaniyining teklipini qobul qilish bek qiyin'gha toxtimasliqi mümkin. Bu ikki dölet mezkur layihini xewpsizlik kéngishi bu yil 3 - ayghiche iran'gha qarita héchqandaq tedbir qollanmasliq sherti bilen qobul qildi. Yighinda amérika wekili grigoriy shult, " iran da'irilirige xelq'ara jem'iyetning bu ishni xewpsizlik kéngishige tapshurush mesiliside jiddiy ikenlikini éniq we keskin qilip yetküzüsh waqti keldi " deydu.

Iranning radikal islamchiliqi bilen tonulghan prézidénti exmedinijad, bu yil 10 - yanwarda uran tawlashni eslige keltürgen we isra'iliyini xeritidin öchürüwétish kérek, dep jakarlighan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.