Iran parlaméntining muhim erbabi bixeterlik kéngishige eza döletlerni ziyaret qilmaqchi
2006.02.19
Iran parlaméntining bir neper muhim erbabi yéqinda b d t bixeterlik kéngishige eza amérikidin bashqa döletlerni mexsus ziyaret qilip, iranning yadro pilani mesilisini muzakire qilidu. Emma, iran bu ziyaretning kün tertipini téxi élan qilmighan.
Amérika awazining iran axbarat wasitiliridin neqil keltürüshiche, mezkur ziyaret bixeterlik kéngishining 3-ayning 6-küni achidighan yighinidin burun emelge éshishi mumkin iken. Buningdin ilgiri xelq'ara atom énérgiyisi orgini iranning yadro pilani mesilisini bixeterlik kéngishining hel qilishigha tapshurghan bolsimu, emma iran uran tawlashni kücheytidighanliqini bildürgen idi.
3-Ayda échilidighan yighinda bixeterlik kéngishi amérika qatarliq gherb döletlirining iranning yadro pilani heqqidiki eyibleshlirini anglaydu hemde axirida qarar chiqiridu. Iran özige paydisiz qararlarning chiqirilishidin endishe qilip, uning aldini élishqa herket qiliwatqan bolushi mumkin iken.(Ümidwar)