Иран ядро мәсилисидә америкиға тәһдит салди


2006.03.08
Share on WhatsApp
Share on WhatsApp

Иран чаршәнбә күни америкиниң иран мәсилисини бирләшкән дөләтләр тәшкилатиниң бихәтәрлик кеңишигә сунушқа үндигәнлики үчүн униңға тәһдит ишлитип, "әгәр иран ядро мәсилиси бихәтәрлик кеңишигә сунулса, у чағда америка зиян вә азапқа дуч келиши мумкин" деди.

Иран һөкүмити чаршәнбә күни чиқарған баянатида, " америкиниң зиян вә азап елип келиш қудрити бар, лекин америка өзиму зиян вә азапқа учриши мумкин" дәп көрсәткән. Буниңға қарита америка вә башқа явропа дөләтлириму баянат елан қилип, " иран бизгә бу мәсилини бихәтәрлик кеңишигә сунушқа мәҗбур болуштин башқа йол қоймиди" дәйду.

Америкиниң хәлқара атом енергийә идарисидики вәкили грегори шулте мәзкур орунниң иран ядро мәсилисини б д т бихәтәрлик кеңишигә сунидиғанлиқини һәмдә улардин буниңға җиддий тәдбир қоллинишни тәләп қилидиғанлиқини билдүрди.

Америка һөкүмити изчил иранниң ядро тәрәққиятиға қарши туруп кәлгән болуп, һәтта америкиниң муавин президенти дик чейни сәйшәнбә күни " биз иранниң ядро қораллириға еришишигә қәтий йол қоймаймиз" деди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.