Райс: иран америка үчүн әң чоң риқабәт болуши мумкин


2006.03.09
Share on WhatsApp
Share on WhatsApp

Америка ташқи ишлар министири кондолиза райс чаршәнбә күни америка кеңәш палатасиниң бир испат бериш йиғинида иранниң америка дүч келидиған әң чоң риқабәт болуши мумкинликини билдүрди.

Испат бериш йиғинида райс йәнә, америкиниң иран ядро мәсилисини һәмдә иранниң исраилийигә қарши радикал гуруппиларға ярдәм қиливатқанлиқини йеқиндин көзитип туридиғанлиқини ейтти. У һәтта иранниң ирақтики ишларға тосқунлуқ қиливатқанлиқини тилға алди.

Мәзкур испат бериш йиғинида йәнә, иранниң алий рәһбири һүмәйни , райстин бурун сөзгә чиқип, америкини иранниң күчини аҗизлитишқа уруниватиду дәп әйиблиди һәмдә иранниң ядро техникилирини қолға кәлтүрүш йолидики тиришчанлиқлирини тохтатмайдиғанлиқини билдүрди.

35 Дөләттин тәшкил тапқан хәлқара атом енергийә идариси чаршәнбә күни иран ядро мәсилисини бирләшкән дөләтләр тәшкилатиниң бихәтәрлик кеңишигә сунди. Әгәр бихәтәрлик кеңиши америка билән явропа иттипақиниң пикригә қошулуп, иранниң һәрикитини ядро кеңийишиниң алдини елиш шәртнамисиға хилап дәп көрсәтсә, у һалда иранға қарита җаза қоллиниду. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.