Иран сөһбәт өткүзүшкә рази болди


2006.03.22
Share on WhatsApp
Share on WhatsApp

Иранниң әң алий диний даһийси һамейни иран һөкүмити билән америкиниң ирақтики вәзийәтни муқимлаштуруш мәсилисидә сөһбәт өткүзүшини қоллайдиғанлиқини билдүргән.

Америка авази радиосиниң учуридин мәлум болушичә, һамейни һәптиниң иккинчи күни телевизийә нутқи сөзлигәндә бу пикирни оттуриға қоюп, "әгәр иран даирилири америкини иранниң ирақ мәсилисидики көз қариши һәққидә чүшәнчигә игә қилалиса, бу сөһбәт өткүзүлсә болиду" дегән, у йәнә әгәр бу сөһбәтниң иранниң мәнпәәтигә уйғун кәлмисә өткүзәлмәйдиғанлиқини әскәрткән.

Америка вә иран тәрәп бу сөһбәтниң пәқәт ирақ вәзийитини муқимлаштуруш йоллирини мәркәзлик һалда музакирә қилиштин ибарәт икәнликини көрситишкән болуп, америка президенти җорҗи буш мәзкур сөһбәт арқилиқ америка даирилириниң иранниң ирақта қиливатқан ишлириниң тоғра –хаталиқини иранға чүшәндүрүп қоюш пурситигә игә болидиғанлиқини билдүргән.

Президент буш иран һөкүмитини агаһландуруп, уни ирақниң ишлириға арилашмаслиққа чақирған һәмдә ирақтики америка әлчиханисиға иран билән сөһбәтлишиш һоқуқи бәргәнликини, америкиниң ираниң ирақта елип бериватқан икки диний мәзһәп арисиға зиддийәт селиш қилмишини әйибләйдиғанлиқини көрсәткән.

Америка авази радиосиниң учуридин қариғанда, чаршәнбә күни бағдадниң җәнубидики бир сақчиханисиға һуҗум қозғиған ирақ қораллиқ исянчилири америка һәм ирақ һөкүмәт қошунлири тәрипидин тармар қилинип, 50 исянчи қолға чүшкән. Җәң икки саәт давамлашқан болуп, қолға чүшкәнләр ичидә бир нәпәр сүрийиликму бар икән.(Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт