Русийә америкиниң иранға ядро електир истансиси қуруш ярдимидин ваз кечиш тәлипини рәт қилди

Русийә ташқи ишлар министирлиқи, америкиниң иранға ядро електир истансиси қуруш ярдимидин ваз кечиш тәлипини рәт қилди. Русийә ташқи ишлар министирлиқиниң баянатчиси пәйшәнбә күни, "һәр қандақ бир дөләтниң башқа бир дөләт билән һәмкарлиқ орнутуш һоқуқи болиду" дәп билдүрди.

Русийә баянатчисиниң юқириқи ипадиси, америка ташқи ишлар ярдәмчи министири бурнесниң чаршәнбә күни барлиқ дөләтләрниң иран билән болған һәмкарлиқ мунасивитигә нисбәтән инкас қайтуруш тәшәббүсидин кейин мәйданға чиққан.

Америка ташқи ишлар ярдәмчи министири бурнес москва даирилири билән иран мәсилиси һәққидә өткүзгән сөһбәттә: " һечқандақ бир дөләт иранниң ядро қораллири техникиисни тәрәққи қилдуруш мәқсиигә ярдәм көрсәтмәслики керәк, русийиниң иранда ядро електир истансиси қуруш пиланиму буниң ичидә" дәп көрсәткән иди.

Бу арида, русийә атом енергийә идарисиниң мәсули, иранда ядро електир истансиси қуруш пиланини ақлап, " русийиниң иранда қурмақчи болған мәзкүр ядро електир истансиси ядро қораллирини кеңәйтмәслик әһдинамисигә тамамән уйғун" деди. (Әқидә)