Rusiye amérikining iran'gha yadro éléktir istansisi qurush yardimidin waz kéchish telipini ret qildi


2006-04-20
Share

Rusiye tashqi ishlar ministirliqi, amérikining iran'gha yadro éléktir istansisi qurush yardimidin waz kéchish telipini ret qildi. Rusiye tashqi ishlar ministirliqining bayanatchisi peyshenbe küni, "her qandaq bir döletning bashqa bir dölet bilen hemkarliq ornutush hoquqi bolidu" dep bildürdi.

Rusiye bayanatchisining yuqiriqi ipadisi, amérika tashqi ishlar yardemchi ministiri burnésning charshenbe küni barliq döletlerning iran bilen bolghan hemkarliq munasiwitige nisbeten inkas qayturush teshebbüsidin kéyin meydan'gha chiqqan.

Amérika tashqi ishlar yardemchi ministiri burnés moskwa da'iriliri bilen iran mesilisi heqqide ötküzgen söhbette: " héchqandaq bir dölet iranning yadro qoralliri téxniki'isni tereqqi qildurush meqsi'ige yardem körsetmesliki kérek, rusiyining iranda yadro éléktir istansisi qurush pilanimu buning ichide" dep körsetken idi.

Bu arida, rusiye atom énérgiye idarisining mes'uli, iranda yadro éléktir istansisi qurush pilanini aqlap, " rusiyining iranda qurmaqchi bolghan mezkür yadro éléktir istansisi yadro qorallirini kéngeytmeslik ehdinamisige tamamen uyghun" dédi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet