Iran amérikini iran'gha hujum qilish mesiliside yene bir qétim agahlandurdi

Iran charshenbe küni eger amérika iran'gha hujum qilsa, u halda iranning amérikining dunyaning her qaysi jayidiki menpe'etige ziyan yetküzidighanliqini agahlandurdi. Bu bayanat, b d t atom idarisining iranning b d t ning uran tawlashni toxtitish ölchimige chüshidighan , chüshmeydighanliqi heqqidiki doklatidin ikki kün burun élan qilindi.

Iranning yuqiri derijilik emeldari ayetollah eli xaménéy téléwizorda qilghan nutuqida bu sözlerni qilghan bolup, u sözide, " amérika shuni bilishi kérekki, eger u bizge hujum qilsa, uning dunyaning her qandaq yéridiki menpe'eti ziyan'gha uchrishishi mumkin" dédi.

Amérika hökümiti iranning uran ishlepchiqirish programmisini yadro qorallirigha ishlitishi mumkinlikini nezerde tutup, iran'gha yadro programmisini toxtitish jazasini bérish teklipini otturigha qoyghan idi. Bu teklipni b d t bixeterlik kéngishidiki en'gliye bilen fransiye qollidi, emma rusiye bilen xitay qarshi chiqti.

Iran da'iriliri buning aldida meyli b d t bixeterlik kéngishi yaki atom énérgiyisi idarisi ulargha jaza qollansun, iranning bu orunlar bilen hemkarlashmasliqqa teyyar ikenlikini bildürüp, " bizning alimlirimiz özlirining iqtidari bilen bu téxnikilarni yaratti. Bizge sirtning yardimimu kérek emes" dégen idi. Gerche iran da'iriliri bu atom programmisining iranda élip bériliwatqanliqini tekitlisimu, lékin iran uzundin béri, rusiye mutexessislirining we pakistandiki "atom bomba atisi" dégen namni alghan abdul qadir xanning qarngghu bazar sodisigha küchlük tayinip kelgen.(Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar