Иран атом программисидин ваз кәчмәсликтә чиң турди
2006.04.27
Бирләшкән дөләтләр тәшкилатиниң иранниң ядро программисини тохтитиш һәққидики ахирқи чеки йеқинлашқан пәйттә, иран президенти мәһмуд әхмәди ниҗад иранниң һәр қандақ бесим алдида тиз пүкмәйдиғанлиқини билдүрди.
Америка бирләшмә агентлиқиниң билдүрүшичә, әхмәди ниҗад сөзидә, хәлқара җәмийәтниң иранни атом программисидин ваз кәчтүрүш йолидики тиришчанлиқлириниң адил әмәсликини көрситип, "һечким иранниң ядро техникисини тартивалалмайду" деди.
Хәлқара атом енергийә идариси җүмә күни бирләшкән дөләтләр тәшкилати бихәтәрлик кеңишигә, иранниң б д т ниң атом енергийә тәрәққият өлчимигә хилаплиқ қилған яки қилмиғанлиқи һәққидә доклат суниду. Русийә президенти виладимир путин пәйшәнбә күни иран ядро мәсилисиниң б д т бихәтәрлик кеңишдә әмәс, бәлки хәлқара атом енергийә идариси ичидә бир тәрәп қилиниши керәкликини билдүрди.
Хитайму русийә билән охшаш пикирдә туруп, изчил түрдә ядро мәсилисини амал бар бихәтәрлик кеңишигә сунмаслиқ тәрәпдари болди. Америка тәрәп болса, б д т бихәтәрлик кеңишиниң иранға бу һәқтә җаза қоллиниши керәкликини тәкитлигән. Буниңға нарази болған иран даирилири чаршәнбә күни америкини агаһландуруп, әгәр америка иранға һуҗум қилишни ойлиса, у һалда америкиниң дуняниң һәр қайси җайлиридики мәнпәәтиниң зиянға учрайдиғанлиқини агаһландурған иди. (Пәридә)
Мунасивәтлик мақалилар
- Иран америкини иранға һуҗум қилиш мәсилисидә йәнә бир қетим агаһландурди
- Русийә америкиниң иранға ядро електир истансиси қуруш ярдимидин ваз кечиш тәлипини рәт қилди
- Буш : иран мәсилисидә һәр қандақ таллаш йолини чәткә қақмаймиз
- Иран хәлқара җәмийәтниң ядро мәсилисидики агаһландурушини мәнситмиди
- Кондализа райис иранниң ядро һәрикитигә қаттиқ тәдбир қоллинишни тәкитлиди