Iran atom programmisidin waz kechmeslikte ching turdi


2006-04-27
Share

Birleshken döletler teshkilatining iranning yadro programmisini toxtitish heqqidiki axirqi chéki yéqinlashqan peytte, iran prézidénti mehmud exmedi nijad iranning her qandaq bésim aldida tiz pükmeydighanliqini bildürdi.

Amérika birleshme agéntliqining bildürüshiche, exmedi nijad sözide, xelq'ara jem'iyetning iranni atom programmisidin waz kechtürüsh yolidiki tirishchanliqlirining adil emeslikini körsitip, "héchkim iranning yadro téxnikisini tartiwalalmaydu" dédi.

Xelq'ara atom énérgiye idarisi jüme küni birleshken döletler teshkilati bixeterlik kéngishige, iranning b d t ning atom énérgiye tereqqiyat ölchimige xilapliq qilghan yaki qilmighanliqi heqqide doklat sunidu. Rusiye prézidénti wiladimir putin peyshenbe küni iran yadro mesilisining b d t bixeterlik kéngishde emes, belki xelq'ara atom énérgiye idarisi ichide bir terep qilinishi kéreklikini bildürdi.

Xitaymu rusiye bilen oxshash pikirde turup, izchil türde yadro mesilisini amal bar bixeterlik kéngishige sunmasliq terepdari boldi. Amérika terep bolsa, b d t bixeterlik kéngishining iran'gha bu heqte jaza qollinishi kéreklikini tekitligen. Buninggha narazi bolghan iran da'iriliri charshenbe küni amérikini agahlandurup, eger amérika iran'gha hujum qilishni oylisa, u halda amérikining dunyaning her qaysi jayliridiki menpe'etining ziyan'gha uchraydighanliqini agahlandurghan idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet