ئىران يادرو كېڭەيتمەسلىك شەرتنامىسىدىن چېكىنىدىغانلىقىنى تەھدىت قىلدى


2006-05-07
Share

ئىران پارلامېنتى يېقىندا، ئەگەر غەرب ئەللىرى داۋاملىق ئىرانغا ئاتوم پروگرامىسىدا بېسىم ئىشلىتىۋەرسە، ئۇ چاغدا ئىراننىڭ "خەلقئارا يادور كېڭەيتمەسلىك شەرتنامىسى" دىن چېكىنىپ چىقىدىغانلىقىنى تەھدىت قىلدى.

بىرلەشكەن دۆلەتلەر تەشكىلاتى ئاتوم ئېنېرگىيە ئىدارىسىنىڭ كۆرسىتىشىچە، ناۋادا ئىران بۇ شەرتنامىدىن چېكىنىپ چىقسا، ئۇ ھالدا ئىراننىڭ يادرو پروگراممىسى، ب د ت دىكى يادرو نازارەت ئورگانلىرىنىڭ تەكشۈرىشىگە ئۇچرىمايدىكەن.

ئىران پارلامېنتى ب د ت باش سېكرىتارى كوفى ئاننانغا يازغان خېتىدە، مۇناسىۋەتلىك تالاش-تارتىشلار تىنچ ھەل بولمىسا، ئىران پارلامېنتىنىڭ ھۆكۈمەتتىن " يادرو كېڭەيتمەسلىك شەرتنامىسى" دىن چېكىنىپ چىقىشنى تەلەپ قىلىشقا مەجبۇر بولىدىغانلىقىنى بىلدۈرگەن. ئۇنىڭ ئۈستىگە ئىران پرېزىدېنتى ماھمۇد ئەخمەدىنىجات سۆزىدە، " مەزكۇر كېلىشىم ھەر قانداق بىر ئەزا دۆلەتنىڭ مەنپەئەتىگە تەھدىت سالسا، ئۇ چاغدا بۇ كېلىشىم ئۈنۈمسىز بولىدۇ" دېگەن.

غەرب ئەللىرى ئىراننىڭ يادرو پروگراممىسىنى يادرو قوراللارنى تەرەققىي قىلدۇرۇشقا ئىشلىتىشىدىن ئەندىشە قىلغاچقا، ئامېرىكا، ئەنگلىيە ۋە فرانسىيە قاتارلىق ب د ت بىخەتەرلىك كېڭىشى ئەزالىرى ئىرانغا جازا قوللۇنۇش لايىھىسىنى سۇنغان ئىدى. لېكىن بۇنىڭغا قالغان ئىككى ئەزا بولغان رۇسىيە بىلەن خىتاي قارشى چىقىپ، ئەگەر بۇ لايىھىگە چوڭ ئۆزگەرتىش كىرگۈزۈلمىسە، ئۇلارنىڭ بۇنى قوللىيالمايدىغانلىقىنى تەكىتلىدى. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت