Иран ядро кеңәйтмәслик шәртнамисидин чекинидиғанлиқини тәһдит қилди


2006-05-07
Share

Иран парламенти йеқинда, әгәр ғәрб әллири давамлиқ иранға атом програмисида бесим ишлитивәрсә, у чағда иранниң "хәлқара ядор кеңәйтмәслик шәртнамиси" дин чекинип чиқидиғанлиқини тәһдит қилди.

Бирләшкән дөләтләр тәшкилати атом енергийә идарисиниң көрситишичә, навада иран бу шәртнамидин чекинип чиқса, у һалда иранниң ядро программиси, б д т дики ядро назарәт органлириниң тәкшүришигә учримайдикән.

Иран парламенти б д т баш секритари кофи аннанға язған хетидә, мунасивәтлик талаш-тартишлар тинч һәл болмиса, иран парламентиниң һөкүмәттин " ядро кеңәйтмәслик шәртнамиси" дин чекинип чиқишни тәләп қилишқа мәҗбур болидиғанлиқини билдүргән. Униң үстигә иран президенти маһмуд әхмәдиниҗат сөзидә, " мәзкур келишим һәр қандақ бир әза дөләтниң мәнпәәтигә тәһдит салса, у чағда бу келишим үнүмсиз болиду" дегән.

Ғәрб әллири иранниң ядро программисини ядро қоралларни тәрәққий қилдурушқа ишлитишидин әндишә қилғачқа, америка, әнглийә вә франсийә қатарлиқ б д т бихәтәрлик кеңиши әзалири иранға җаза қоллунуш лайиһисини сунған иди. Лекин буниңға қалған икки әза болған русийә билән хитай қарши чиқип, әгәр бу лайиһигә чоң өзгәртиш киргүзүлмисә, уларниң буни қоллиялмайдиғанлиқини тәкитлиди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт