Iran yadro kéngeytmeslik shertnamisidin chékinidighanliqini tehdit qildi


2006-05-07
Share

Iran parlaménti yéqinda, eger gherb elliri dawamliq iran'gha atom programisida bésim ishlitiwerse, u chaghda iranning "xelq'ara yador kéngeytmeslik shertnamisi" din chékinip chiqidighanliqini tehdit qildi.

Birleshken döletler teshkilati atom énérgiye idarisining körsitishiche, nawada iran bu shertnamidin chékinip chiqsa, u halda iranning yadro programmisi, b d t diki yadro nazaret organlirining tekshürishige uchrimaydiken.

Iran parlaménti b d t bash sékritari kofi annan'gha yazghan xétide, munasiwetlik talash-tartishlar tinch hel bolmisa, iran parlaméntining hökümettin " yadro kéngeytmeslik shertnamisi" din chékinip chiqishni telep qilishqa mejbur bolidighanliqini bildürgen. Uning üstige iran prézidénti mahmud exmedinijat sözide, " mezkur kélishim her qandaq bir eza döletning menpe'etige tehdit salsa, u chaghda bu kélishim ünümsiz bolidu" dégen.

Gherb elliri iranning yadro programmisini yadro qorallarni tereqqiy qildurushqa ishlitishidin endishe qilghachqa, amérika, en'gliye we fransiye qatarliq b d t bixeterlik kéngishi ezaliri iran'gha jaza qollunush layihisini sun'ghan idi. Lékin buninggha qalghan ikki eza bolghan rusiye bilen xitay qarshi chiqip, eger bu layihige chong özgertish kirgüzülmise, ularning buni qolliyalmaydighanliqini tekitlidi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet