Rusiye iran'gha herbiy heriket qollinishqa qarshi chiqti


2006.05.16
Share on WhatsApp
Share on WhatsApp

Rusiye tashqi ishlar ministiri sirgi lawrof béyjngda xitay rehberliri bilen uchrashqandin kéyin, rusiye we xitay yadro programmisi mesiliside iran'gha qarshi herbiy heriket qollinishni qet'iy qobul qilmaydu, dédi.

Lawrof seyshenbe küni muxbirlargha bergen bayanatida, bizning qarishimizche, iranni yalghur qaldurmasliq hemde uninggha bésim ishletmeslik kérek. Bundaq heriket ammiwiy qirghinchiliq xaraktérlik qorallarning tarqilishining aldini alalmighande, tetür tesirmu bérip qoyidu, dégen.

Rusiye tashqi ishlar ministirining bu bayanati, amérika hökümitining yadro mesilisi tüpeylidin birleshken döletler teshkilatidin iran'gha qarita iqtisadiy jaza yolgha qoyush weya herbiy heriket élip bérish toghrisida bir qarar chiqirish üchün diplomatiye pa'aliyitini kücheytken bir mezgilge toghra keldi. Xitay we rusiyining qarshi turushi birleshken döletler teshkilati bixeterlik kéngishining iran yadro mesiliside bir qarar qobul qilishigha tosqunluq qilmaqta.

Rusiye tashqi ishlar ministiri shundaqla, rusiye we xitayning shimaliy koriye yadro mesilisidimu oxshash köz qarashqa ige ikenlikini,shunga bu mesilisiningmu herbiy küch ishletmestin bir terep qilinishini xalaydu, dédi.

Lékin u iranni tenqid qilip, iran hökümitining birleshken döletler teshkilati atom énérgiysi idarisi bilen téximu köp hemkarlishishi kéreklikini bildürdi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet