Иран явропаниң тәклипини рәт қилди


2006.05.17
Share on WhatsApp
Share on WhatsApp

Иран президенти махмуд әхмәдиниҗад чаршәнбә күни явропаниң ядро мәсилисисидики тәклипини рәт қилип, буни "шакилатқа алтун тегишкәнлик" дәп мәсхирә қилди.

Америка бирләшмә агентлиқиниң хәвәр қилишичә, явропа дөләтлири бу тәклипидә, әгәр иран ядро тәрәққиятидин ваз кәчсә, явропаниң иранға хәлқ ишлирида ишлитидиған йиник сулуқ ядро очиғини беридиғанлиқини билдүргән иди. Әмма иран президенти махмуд әхмәдиниҗад телевизорда бәргән нутуқида буни рәт қилип, " бизни шакилатқа алтун тегшидиған 4 яшлиқ бала чағлап қалдиңларму?" дегән.

явропа дөләтлиридин әнглийә, франсийә вә германийәләрниң алий дәриҗилик әмәлдарлири сәйшәнбә күни уларниң һазир бу тәклипкә йәнә немә етибарларни киргүзүш мәсилисидә музакирә елип бериватқанлиқини билдүргән иди. Махмуд әхмәдиниҗад йәнә, әгәр ғәрб әллири иранни ядро программисини бикар қилишқа давамлиқ күчәвәрсә, у һалда иранниң ядро кеңәйтмәслик шәртнамисидин чекинип чиқидиғанлиқини билдүргән.

Бу арида дунядики 6 чоң дөләтниң җүмә күни өткүзмәкчи болған иран ядро мәсилисидики йиғини кечиктүрүлди. Бу йиғинға әнглйә, франсийә, германийә, русийә, хитай вә америкиниң юқири дәриҗилик депломатлири қатнишип, иран ядро киризисини қандақ һәл қилиш мәсилисидә музакириләшмәкчи иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.