Iran yawropaning teklipini ret qildi


2006-05-17
Share

Iran prézidénti maxmud exmedinijad charshenbe küni yawropaning yadro mesilisisidiki teklipini ret qilip, buni "shakilatqa altun tégishkenlik" dep mesxire qildi.

Amérika birleshme agéntliqining xewer qilishiche, yawropa döletliri bu teklipide, eger iran yadro tereqqiyatidin waz kechse, yawropaning iran'gha xelq ishlirida ishlitidighan yinik suluq yadro ochighini béridighanliqini bildürgen idi. Emma iran prézidénti maxmud exmedinijad téléwizorda bergen nutuqida buni ret qilip, " bizni shakilatqa altun tégshidighan 4 yashliq bala chaghlap qaldinglarmu?" dégen.

Yawropa döletliridin en'gliye, fransiye we gérmaniyelerning aliy derijilik emeldarliri seyshenbe küni ularning hazir bu teklipke yene néme étibarlarni kirgüzüsh mesiliside muzakire élip bériwatqanliqini bildürgen idi. Maxmud exmedinijad yene, eger gherb elliri iranni yadro programmisini bikar qilishqa dawamliq küchewerse, u halda iranning yadro kéngeytmeslik shertnamisidin chékinip chiqidighanliqini bildürgen.

Bu arida dunyadiki 6 chong döletning jüme küni ötküzmekchi bolghan iran yadro mesilisidiki yighini kéchiktürüldi. Bu yighin'gha en'glye, fransiye, gérmaniye, rusiye, xitay we amérikining yuqiri derijilik déplomatliri qatniship, iran yadro kirizisini qandaq hel qilish mesiliside muzakirileshmekchi idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet