Иран ғәрбниң пиланини рәт қилди


2006.06.02
Share on WhatsApp
Share on WhatsApp

Иран президенти махмуд әхмәди ниҗад, җүмә күни иран мәтбуатлириға теһран ғәрбниң бесими бойичә ядро техникисиға еришиш һоқуқидин ваз кәчмәйду, дәп җакарлиди.

Иран президентиниң баянати дунядики 6 чоң дөләт австирийә пайтәхти венада иранни ядро пиланидин ваз кечишкә чақиридиған һәл қилиш пилани бойичә пикир бирлики һасил қилғандин бир күн кейин елан қилинди.

Лекин америка ташқий ишлар министири кондилиза райис, әгәр иран ядро программисини тохтутуп сөһбәт өткүзүшкә мақул болса, иран даирилири билән учришишқа үмидвар қарайдиғанлиқини билдүрмәктә. Бу арида америка дөләтлик ахбарат идариси мудири җон нигрипонти, иранниң ядро қорали ясимақчи икәнликини тәкитлиди. Униң әскәртишичә, иран кәлгүси 10 йил ичидә ядро бомбиси ясап чиқиши мүмкин.

Иран йеқинда уран тавлап чиққанлиқини җакарлиған болсиму, мәқсидиниң електир енергийиси ишләпчиқириш икәнликини билдүрмәктә. Әхмәди ниҗад, иран ахбарат агентлиқиға хәлқара атом енергийә идариси билән давамлиқ һәмкарлишидиғанлиқини билдүргән. Лекин у, " ғәрбниң қарши туруштики мәқсиди улар дегәндәк ядро қораллири әмәс. Иранниң бу техникиға еришиши барлиқ мустәқил дөләтләрниң, болупму ислам дөләтлириниң бу техникиға еришидиғанлиқидиндур "дәйду. У, пәйшәнбә күни елан қилинған 6 дөләт пиланини тилға алмиди.

явропа әллири бу пиланни алдимиздики бир - икки күн ичидә иран тәрәпкә йәткүзүши мумкин. Кондилиза райис иранниң 6 дөләт пиланиға бир қанчә һәптә ичидә җаваб беришини үмид қилди. Униң әскәртишичә, иран бу пиланни рәт қилса техиму қаттиқ бесимға дуч келидикән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.