Iran prézidénti maxmud exmedi nijad, jüme küni iran metbu'atlirigha téhran gherbning bésimi boyiche yadro téxnikisigha érishish hoquqidin waz kechmeydu, dep jakarlidi.
Iran prézidéntining bayanati dunyadiki 6 chong dölet awstiriye paytexti wénada iranni yadro pilanidin waz kéchishke chaqiridighan hel qilish pilani boyiche pikir birliki hasil qilghandin bir kün kéyin élan qilindi.
Lékin amérika tashqiy ishlar ministiri kondiliza rayis, eger iran yadro programmisini toxtutup söhbet ötküzüshke maqul bolsa, iran da'iriliri bilen uchrishishqa ümidwar qaraydighanliqini bildürmekte. Bu arida amérika döletlik axbarat idarisi mudiri jon nigriponti, iranning yadro qorali yasimaqchi ikenlikini tekitlidi. Uning eskertishiche, iran kelgüsi 10 yil ichide yadro bombisi yasap chiqishi mümkin.
Iran yéqinda uran tawlap chiqqanliqini jakarlighan bolsimu, meqsidining éléktir énérgiyisi ishlepchiqirish ikenlikini bildürmekte. Exmedi nijad, iran axbarat agéntliqigha xelq'ara atom énérgiye idarisi bilen dawamliq hemkarlishidighanliqini bildürgen. Lékin u, " gherbning qarshi turushtiki meqsidi ular dégendek yadro qoralliri emes. Iranning bu téxnikigha érishishi barliq musteqil döletlerning, bolupmu islam döletlirining bu téxnikigha érishidighanliqidindur "deydu. U, peyshenbe küni élan qilin'ghan 6 dölet pilanini tilgha almidi.
Yawropa elliri bu pilanni aldimizdiki bir - ikki kün ichide iran terepke yetküzüshi mumkin. Kondiliza rayis iranning 6 dölet pilanigha bir qanche hepte ichide jawab bérishini ümid qildi. Uning eskertishiche, iran bu pilanni ret qilsa téximu qattiq bésimgha duch kélidiken. (Erkin)
Munasiwetlik maqalilar
- Iran yawropaning teklipini ret qildi
- Rusiye iran'gha herbiy heriket qollinishqa qarshi chiqti
- Shangxey guruhidiki döletlerning tashqi ishlar ministirliri iran mesilisini muzakire qilidu
- B d t xewpsizlik kéngishidiki döletler iran mesiliside pikir birlikige kélelmidi
- Iran prézidénti exmedinijat bushqa xet yazdi
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- B d t ning ichki qismidiki nishanigha muxalip qilmishliri we Uyghur mesilisi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
