Иран уруш қозғимайдиғанлиқини елан қилди


2006.06.04

Америка авази радиосиниң учуридин мәлум болушичә, иран әң алий диний рәһбири һамәйни йәкшәнбә күни иран ислам җумһурийитиниң қурғучиси аятулла һумәйниниң вапатини хатириләш паалийитидә нутуқ сөзләп, иран қәтий уруш қозғимайду дәп җакарлиди. Чүнки , һазир иран билән ғәрб дөләтлири арисидики ядро мәсилисигә аит зиддийәт күнсайин мурәккәпләшкән болуп, буниңда яхшилиниш кәйпияти шәкилләнмигән иди.

Әмма шәнбә күни иран президенти әхмәди ниҗат ғәрбниң иранниң уран тавлашни тохтитиш нәсиһәтлирини ойлишип беқиши мумкинликини оттуриға қойған. Бихәтәрлик кеңишиму иранниң тәклиплирини музакирә қилиш үчүн йәнә бир қетим йиғин ечишни әмма, буниң үчүн иранниң алди билән уран тавлаш пиланини тохтитишини оттуриға қойған.

Көзәткүчиләрниң ейтишичә, иран исламий рәһбири хамәйниниң иранниң уруш қозғимайдиғанлиқидин бишарәт бериши вә әхмәди ниҗатниң позитсийиси иранниң илгирики қаттиқ мәйданида өзгириш болуватқанлиқини көрситиши мумкин икән. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.