Iranning diniy rehbiri iran yadro programmisini dawamlashturidu, dédi


2006.08.21
Share on WhatsApp
Share on WhatsApp

Düshenbe küni, iranning diniy rehbiri ayetulla eliy xameniy iranning yadro énérgiyisige érishish üchün élip bériwatqan pa'aliyitini izchil dawamlashturidighanliqini bildürdi. Iran téléwiziyisining xewer qilishiche, xameniy "iran islam jumhuriyiti yadro énérgiyisi toghrisida qarar bérip boldi", dégen.

Birleshken döletler teshkilati bixeterlik kéngishi irandin 31‏- awghust künigiche uran tawlash pa'aliyitini toxtitishini telep qilip, eger uran tawlash pa'aliyitini toxtatmisa, iran'gha qarshi imbargo yolgha qoydighanliqini bildürgen idi.

Iranning diniy rehbiri ayetulla xameniy, iran dölet aparatida eng küchlük kishi hésablinidu. Siyasiy mulahizichilerning bildürüshiche, uning iranning yadro pa'aliyiti heqqidiki sözliri, iran hökümitining b d t ning telipini qobul qilmaydighanliqini körsitidiken.

Amérika, rusiye, fransiye, en'giliye we gérmaniye qatarliq döletler iyun éyida iran'gha bir teklip sunup, eger uran tawlash pa'aliyitini toxtatsa, bu döletke iqtisadiy jehettin yardem béridighanliqini bildürgen idi.

B d t ning bash katibi kofi anan yekshenbe küni, iran hökümitini gherb döletliri , rusiye we xitayning teklipige ijabiy jawap qayturushqa chaqirdi. Kofi anan, iran yadro mesilisining toghra bir terep qilinishining hem rayonning hemde dunyaning muqimliqi üchün muhim bir mesile ikenlikini bildürdi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.