Rusiye nöwette iran'gha qarshi imbargo yolgha qoyulishigha qarshi chiqti


2006.08.25
Share on WhatsApp
Share on WhatsApp

Jüme küni rusiye, iran'gha derhal iqtisadiy imbargo yolgha qoyush toghrisidiki herqandaq teshebbusni ret qilidighanliqini bildürdi hemde fransiye hökümiti iran bilen toqunush toghrisida agahlandurdi. Rusiye we fransiyining bu herikiti, 31‏- awghust künigiche uran tawlash pa'aliyitini toxtatmisa, iran'gha qarshi qattiq jaza qollinish éhtimalliqni yoqqa chiqardi.

Iran hökümiti, b d t bixeterlik kéngishining da'imi ezaliri bolghan amérika, rusiye, xitay, en'gliye we fransiye qatarliq besh dölet we gérmaniyining uran tawlash pa'aliyitini toxtitish toghrisidiki telipige ikki bisliq jawap bergen. Mezkur alte dölet iran'gha iqtisadiy jehettin nurghun yardem béridighanliqini tekitlep, eger bu teklipini ret qilsa, iran'gha qarita imbargo yolgha qoyush toghrisida qarar alidighanliqini bildürgen.

Iran seyshenbe küni, alte döletning teklipige jawap berdi. Emma iran teklipni ret qilmighandek, uni qobulmu qilmighan. Siyasiy mulahizchiler, iranning amérika, rusiye, xitay, en'giliye, fransiye we gérmaniye qatarliq alte dölet teklipige mezkur alte dölet otturisida bu mesilide bir ixtilap chiqishigha sewep bolalaydighan bir jawap qayturghanliqini tekitligen idi.

Derweqe shundaq boldi. Amérika, en'giliye, gérmaniye we fransiye qatarliq dölet gherb döliti, b d t bixeterlik kéngishining qararida ching turushini, eger iran 31‏- awghust künigiche uran tawlash pa'aliyitini toxtatmisa, iran'gha qarshi imbargo yolgha qoyush mesilisini muzakire qilishini telep qilmaqta. Emma rusiye we xitay buninggha qarshi chiqip, mesilisining siyasiy yollar arqiliq bir terep qilinishi kéreklikini tekitlimekte. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.