Иран уран тавлаш паалийитини тохтатмайдиғанлиқини билдүрмәктә


2006.08.31
Share on WhatsApp
Share on WhatsApp

Б д т бихәтәрлик кеңишиниң иранға уран тавлаш паалийитини тохтитиш үчүн бәргән мөһлити бүгүн ахирлишиду. Бирақ б д т атом енергийиси идариси, иранниң уран тавлаш паалийитини үзлүксиз давамлаштуриватқанлиқини билдүрмәктә.

Хәвәр ләр гә қариғанда, б д т атом енергийиси идарисиниң бүгүн бихәтәрлик кеңишигә әвәткән мәхпи доклатида, иранниң уран тавлаш паалийитини тохтатмиғанлиқини тәкитләп, иран һөкүмитиниң атом енергийиси идарисиниң тәкшүрүш паалийәтлиригә тосқунлуқ қиливатқанлиқини билдүргән.

Б д т атом енергийиси идарисиниң бихәтәрлик кеңишигә сунған мәзкур доклати, б д т ниң иранға қарита имбарго йолға қоюшиға юл ичиши мумкин.

Бихәтәрлик кеңиши, б д т атом енергийиси идариси рәиси муһәммәт әлбарадайдин, иранниң 31‏-авғуст күни уран тавлаш паалийитини тохтитип-тохтатмиғанлиқи тоғрисида бихәтәрлик кеңишигә бир доклат сунушини тәләп қилған.

Америка президенти буш пәйшәнбә күни бәргән баянатида, иран уран тавлаш паалийитини тохтитиш тоғрисидики тәләпләргә җавап бәрмигәнликини, шуниң үчүн иранға қарши җаза қоллиниш керәкликини билдүрди.

Иран президенти мәхмут әхмәдиниҗат иран телевизийисидә сөз қилип, иранниң ядро техникисигә еришиш һоқуқи барлиқини тәкитләп, иран бу мәсилисидә ғәрб дөләтлириниң бесимиға боюн әгмәйду, деди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.