Iran uran tawlash pa'aliyitini toxtatmaydighanliqini bildürmekte


2006.08.31
Share on WhatsApp
Share on WhatsApp

B d t bixeterlik kéngishining iran'gha uran tawlash pa'aliyitini toxtitish üchün bergen möhliti bügün axirlishidu. Biraq b d t atom énérgiyisi idarisi, iranning uran tawlash pa'aliyitini üzlüksiz dawamlashturiwatqanliqini bildürmekte.

Xewer ler ge qarighanda, b d t atom énérgiyisi idarisining bügün bixeterlik kéngishige ewetken mexpi doklatida, iranning uran tawlash pa'aliyitini toxtatmighanliqini tekitlep, iran hökümitining atom énérgiyisi idarisining tekshürüsh pa'aliyetlirige tosqunluq qiliwatqanliqini bildürgen.

B d t atom énérgiyisi idarisining bixeterlik kéngishige sun'ghan mezkur doklati, b d t ning iran'gha qarita imbargo yolgha qoyushigha yul ichishi mumkin.

Bixeterlik kéngishi, b d t atom énérgiyisi idarisi re'isi muhemmet elbaradaydin, iranning 31‏-awghust küni uran tawlash pa'aliyitini toxtitip-toxtatmighanliqi toghrisida bixeterlik kéngishige bir doklat sunushini telep qilghan.

Amérika prézidénti bush peyshenbe küni bergen bayanatida, iran uran tawlash pa'aliyitini toxtitish toghrisidiki teleplerge jawap bermigenlikini, shuning üchün iran'gha qarshi jaza qollinish kéreklikini bildürdi.

Iran prézidénti mexmut exmedinijat iran téléwiziyiside söz qilip, iranning yadro téxnikisige érishish hoquqi barliqini tekitlep, iran bu mesiliside gherb döletlirining bésimigha boyun egmeydu, dédi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.