Иран өзиниң атом программисини дадиллиқ билән давамлаштуридиғанлиқини билдүрди


2006.10.11
Share on WhatsApp
Share on WhatsApp

Бирләшмә агентлиқиниң хәвәр қилишичә, иран президенти әхмәди ниҗат 10 ‏- өктәбир күни америкини шималий корийиниң ядро синиқи елип барғанлиқиға қарита қаттиқ позитсийидә болғанлиқини әйиблигән. Шундақла, иран өзиниң иззәт -һүрмити үчүн атом программисини дадиллиқ билән давамлаштуруверидиғанлиқини билдүргән.

С н н ниң хәвәр қилишичә, исраилийә шималий корийиниң ядро синиқи елип барғанлиқидин, иккинчи қәдәмдә шималий корийиниң ядро тәһдити оттура шәрққә йетиш келишидин әнсирәватқанлиқини билдүргән.

Хәвәрдә баян қилинишичә, иран һөкүмитиниң баянатчиси ғолам һүсийин елһам әпәнди мухбирларниң соаллириға җаваб бәргәндә, гәрчә 'иран кәң даирилик қирғинчилиқ қилидиған қоралларға , болупму ядро қораллириға қәтий қарши туриду' дегән болсиму, әмма у шималий корийә тәрәққи қилдуруватқан қораллар буниң ичигә киридиған яки кирмәйдиғанлиқини ениқлимиған. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.