Iran prézidénti gherbning bésimigha boyun egmeydighanliqini bildürmekte


2006.10.23
Share on WhatsApp
Share on WhatsApp

Iran prézidénti mehmut exmedi nijat düshenbe küni "eger gherb döletliri iranni siyasiy bésim arqiliq yadro pilanidin wazkechürümiz dep oylawatqan bolsa, qattiq xatalishidu", dégen.

Iran b d t bixeterlik kéngishining yadro pilanini toxtitish toghrisidiki qararigha boysunmighanliqi üchün, b d t iran'gha qarshi iqtisadiy jaza yolgha qoyushi mumkin. Xewerlerge qarighanda nöwette fransiye, en'giliye we gérmaniye bixeterlik kéngishige sunush üchün bir qarar layihisi teyyarlawatqan bolup, lékin iran hökümiti, qandaq bolushidin qet'iynezer yadro pilanini dawamlashturidighanliqini bayan qilmaqta.

Iranda yadro mesilsi shundaqla bashqa mesililerde axirqi qararni béridighan kishi iranning diniy rehbiri ayetulla xameni. Lékin umu prézidént exmedi nijatqa oxshash iranning yadro pilanidin waz kechmeydighanliqini bildürmekte.

Iran yadro pilanining énérgiye qolgha keltürüshni meqset qilghanliqini tekitlimekte. Emma gherb döletliri iranning asasliq meqsidining yadro qoralgha érishish ikenlikini bayan qilmaqta.

Fransiye, en'giliye we gérmaniye, iran'gha qarshi qattiq iqtisadiy jaza yolgha qoyulushi üchün tirishchanliq körsitiwatqan amérika bilen birlikte bixeterlik kéngishige sunush üchün bir qarar layihisi teyyarlimaqta. Iranning eng muhim iqtsadiy shérikliri hésablan'ghan rusiye we xitay bolsa, iran'gha qarshi iqtisadiy imbargo yolgha qoyushqa qarshi chiqiwatidu. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.