Иран президенти иранға қарши йолға қоюлидиған һәрқандақ имбаргоға җаваб қайтуридиғанлиқини билдүрди


2006.10.30
Share on WhatsApp
Share on WhatsApp

Дүшәнбә күни иран президенти мәһмуд әхмәдиниҗат "иран, ядро программиси сәвәбидин б д т тәрипидин иранға қарши йолға қоюлидиған һәрқандақ имбаргоға қәтийлик билән қарши чиқиду" дәп агаһландурди.

Әхмәдиниҗат теһран вилайитиниң пишва шәһиридики бир йеғилишта бәргән баянатида, биз мәсилә чиқиришни халимаймиз, лекин бизниң һәрикитимизни чәкләшни мәқсәт қилған һәрқандақ қарарға қәтийлик билән җаваб беримиз, деди.

Иран даирилири аллиқачан иран ислам җумһурийитиниң иранға қарши йолға қойолидиған һәрқандақ имбаргоға җаваб қайтуридиғанлиқини,әмма бу җавабниң маһийитини имбарго йолға қоюлғандин кейин андин ашкарилайдиғанлиқини билдүргән иди.

Иранниң дуняниң әң муһим нефит қатнаш йоли һесабланған һөрмүз боғизини тосайдиғанлиқи тоғрисидики чиққан хәвәрләр хәлқарада нефит баһасиниң өрлишигә сәвәб болмақта. Лекин иран рәһбәрлири нефиттин бир қорал сүпитидә пайдиланмайдиғанлиқини тәкитлимәктә.

Хәвәрләргә қариғанда, ғәрб дөләтлири, б д т ниң уран тавлаш паалийитини тохтитиш тоғрисидики тәлибини рәт қилған иранға қарши имбарго йолға қоюш үчүн паалийәтлирини тизләткән болсиму, иран ғәрб дөләтлириниң бу һәрикитигә писәнт қилмай уран тавлаш паалийитини үзлүксиз давамлаштурмақта.

Һәтта иран ташқи ишлар министири мәнучһир муттәқи, иран имбарго тәһдитигә қаримай, иран тавлаш тәтқиқат паалийитини кеңәйтишни пиланлимақта, деди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.