Iran prézidénti iran'gha qarshi yolgha qoyulidighan herqandaq imbargogha jawab qayturidighanliqini bildürdi


2006.10.30
Share on WhatsApp
Share on WhatsApp

Düshenbe küni iran prézidénti mehmud exmedinijat "iran, yadro programmisi sewebidin b d t teripidin iran'gha qarshi yolgha qoyulidighan herqandaq imbargogha qet'iylik bilen qarshi chiqidu" dep agahlandurdi.

Exmedinijat téhran wilayitining pishwa shehiridiki bir yéghilishta bergen bayanatida, biz mesile chiqirishni xalimaymiz, lékin bizning herikitimizni chekleshni meqset qilghan herqandaq qarargha qet'iylik bilen jawab bérimiz, dédi.

Iran da'iriliri alliqachan iran islam jumhuriyitining iran'gha qarshi yolgha qoyolidighan herqandaq imbargogha jawab qayturidighanliqini,emma bu jawabning mahiyitini imbargo yolgha qoyulghandin kéyin andin ashkarilaydighanliqini bildürgen idi.

Iranning dunyaning eng muhim néfit qatnash yoli hésablan'ghan hörmüz boghizini tosaydighanliqi toghrisidiki chiqqan xewerler xelq'arada néfit bahasining örlishige seweb bolmaqta. Lékin iran rehberliri néfittin bir qoral süpitide paydilanmaydighanliqini tekitlimekte.

Xewerlerge qarighanda, gherb döletliri, b d t ning uran tawlash pa'aliyitini toxtitish toghrisidiki telibini ret qilghan iran'gha qarshi imbargo yolgha qoyush üchün pa'aliyetlirini tizletken bolsimu, iran gherb döletlirining bu herikitige pisent qilmay uran tawlash pa'aliyitini üzlüksiz dawamlashturmaqta.

Hetta iran tashqi ishlar ministiri menuchhir mutteqi, iran imbargo tehditige qarimay, iran tawlash tetqiqat pa'aliyitini kéngeytishni pilanlimaqta, dédi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet