Иран президенти б д т ниң қарарини әйиблиди

Шәнбә күни бирләшкән дөләтләр тәшкилати бихәтәрлик кеңиши иранниң ядро пиланиға нисбәтән җазалаш қарар лайиһисини қобул қилғандин кейин, иран президенти мәхмуд әхмәди ниҗат йәкшәнбә күни наразилиқ билдүрүп, ядро пиланини әмәлгә ашурушни тезлидиғанлиқини җакарлиди.

Америка авази радиосиниң тарқатқан учуриға асасланғанда, әхмәди ниҗат бихәтәрлик кәңишининиң җазалаш қарарини " бир парчә қуруқ қәғәз "дәп атиған һәмдә бихәтәрлик кеңишиниң бу қараридин әпсуслинидиғанлиқини билдүргән.

Бихәтәрлик кеңиши шәнбә күни иранга җаза қоллинишни қарар қилған болуп, бу иранниң уран тавлишини тохтитиш, ядро техникиси билән мунасивәтлик болған сәзгүр материяллар вә тәхника үскүнилири содисини қамал қилиш қатарлиқларни өз ичигә алидикән. Қарардин кейин иран вәкили лариҗани нарази болуп, иранниң ядро пиланиниң пәқәт тинчлиқ үчүн икәнликини көрсәткән һәмдә бу қарарниң иранға нисбәтән һеч қандақ үнүм қазиналмайдиғанлиқини, иранниң ядро пиланини давамлаштуридиғанлиқини тәкитлигән.(Үмидвар)