Iran prézidénti b d t ning qararini eyiblidi
2006.12.24
Shenbe küni birleshken döletler teshkilati bixeterlik kéngishi iranning yadro pilanigha nisbeten jazalash qarar layihisini qobul qilghandin kéyin, iran prézidénti mexmud exmedi nijat yekshenbe küni naraziliq bildürüp, yadro pilanini emelge ashurushni tézlidighanliqini jakarlidi.
Amérika awazi radi'osining tarqatqan uchurigha asaslan'ghanda, exmedi nijat bixeterlik kengishinining jazalash qararini " bir parche quruq qeghez "dep atighan hemde bixeterlik kéngishining bu qararidin epsuslinidighanliqini bildürgen.
Bixeterlik kéngishi shenbe küni iran'ga jaza qollinishni qarar qilghan bolup, bu iranning uran tawlishini toxtitish, yadro téxnikisi bilen munasiwetlik bolghan sezgür matériyallar we texnika üsküniliri sodisini qamal qilish qatarliqlarni öz ichige alidiken. Qarardin kéyin iran wekili larijani narazi bolup, iranning yadro pilanining peqet tinchliq üchün ikenlikini körsetken hemde bu qararning iran'gha nisbeten héch qandaq ünüm qazinalmaydighanliqini, iranning yadro pilanini dawamlashturidighanliqini tekitligen.(Ümidwar)
Munasiwetlik maqalilar
- Iran mesilisi heqqidiki yighin 5-dékabir küni échilidu
- Iran prézidénti iran'gha qarshi yolgha qoyulidighan herqandaq imbargogha jawab qayturidighanliqini bildürdi
- Iran prézidénti gherbning bésimigha boyun egmeydighanliqini bildürmekte
- Iran özining atom programmisini dadilliq bilen dawamlashturidighanliqini bildürdi